Seto Gumba at Kathmandu

सामाजिक स्ञ्जालको होहल्लाले के रहेछ त सेतोगुम्बामा भन्ने कौतुहल मलाई पनि जगायो । जाने मौका पाएँ । एउटा अनकन्टार डाँडामा यति ठूलो भौतिक संरचना बनाउन सक्नु ठूलै कुरा देखियो । त्यसमाथि सुविद्या सम्पन्न होटलले विदेशी धार्मिक पर्यटकहरुलाई पनि आकर्षण गरिरहेकै होला । म पुगेको समय पनि केटाकेटी सहितको पारिवारिक भ्रमणको लागि निस्केका जत्थाहरु ठूलै देखिन्थे । तलैबाट पार्किकको लस्कर थियो । काठ्माडौंको व्यस्त शहरमा नयाँ हेर्ने ठाउँको अभाव भएको बेलामा यसले पनि केही मनोरञ्जन दिन सक्छ । तर त्यहाँ सजाईएका ल्पास्टिक र नाईलनका फूल र बगैँचाले भने मलाई उत्साहित बनाउन सकेन । केटाकेटीहरुलाई प्राकृतिक सौन्दर्यता, हरियालीको सुगन्ध र सामाजिक जीवनको अनुभूती गराउनु पनि आवश्यक छ ।