बारुदी सुरुङ प्रतिबन्ध अभियान नेपालको सङ्घीय संसद सदस्यहरूसँग चार मुख्य र पच्चिस सहायक प्रश्नहरू
१. शान्ति सम्झौता भएको १६ वर्ष भैसक्दा पनि निरन्तर रूपमा विस्फोटनका घटनाहरू घटिरहेकाछन् त्यसबारेमा सङ्घीय संसद सदस्यहरू संवेदनशील हुनु पर्दछ कि पर्दैन? बिगत १२ वर्ष भित्र मात्र १६७९ घटनाहरू भएकाछन् । त्यसमध्ये २०७९ मात्र २२५ वटा घटनाहरू भएकाछन् ।
- ती घटनाहरू युद्धका अवशेषको कारणले मात्र हुन् कि नयाँ प्रयोग भएका हुन् ?
- युद्धका अवशेष हुन् भने प्रभावित क्षेत्रहरूमा पूर्ण रूपमा सफा गर्न या नष्ट गर्न नेपाल असफल
भएको हो?
- असफल हुनुको कारण के के हुन्?
- पूर्ण रूपमा जमिन सुरक्षा गर्न, जनताहरूलाई सुरक्षित गर्न र शान्तिको प्रत्याभूति दिन सरकारसँग
के योजनाछ?
यदि नयाँ प्रयोग गरेका हुन् भने
- प्रयोग गर्ने को या कुन संगठन या पार्टी हुन्?
- कहाँ कहाँ प्रयोग गरे?
- कच्चा या उत्पादित भएको सामानहरू कुन मुलुकबाट आयात हुँदैछ?
- उत्पादन र भण्डारन कहाँछ? कति मात्राको आशँकाछ?
- यस विरुद्धको कानून कतिको प्रभावकारीछ? कसरी?
- उत्पादन, भण्डारन, ओसार पसार, प्रयोगलाई पूर्ण रूपमा बन्द गर्नको लागि सरकारको तर्फबाट
पहल के भईरहेकोछ?
- विस्फोटनबाट सर्वसाधारणहरूमा कसरी प्रभावित भईरहेकाछन्? कतिसंख्यामा छन्? महिला या
पुरुष के हुन्? कति उमेरकाछन्? उपचार कसले गरिरहेकोछ?
- सुरक्षा निकायका डिमाईनिंग टोलीहरूलाई अरू दक्ष बनाउन सरकारको तर्फबाट कस्तो लगानी
भईरहेकोछ?
२. हालसम्म नेपालमा बारुदी सुरुङ र विस्फोटक पदार्थका पीडितहरू कतिछन्? उनीहरूको सहयोगको लागि सरकारले के कति काम गरिरहेकोछ?
- पीडितहरूले उठाईरहेका आवाज के हुन् ?
- सरकारको जवाफदेहीता के हुन्? कसरी निर्वाह गरिरहेकोछ?
- परिणाम के हो?
- पीडितहरूको सम्बन्धमा सत्य तथा मेलमिलाप सम्बन्धी विधेयक विषयमा पीडित पक्षले
उठाईरहेको विषयप्रति सरकारको ध्यान गईरहेकोछ कि छैन? समस्यालाई कसरी समाधान गर्ने
योजना बनिरहेकोछ ?
३. बारुदी सुरुङ अन्तरराष्ट्रिय सन्धिको कारणबाट शान्ति सम्झौताको प्रतिवद्धताहरूलाई कार्यान्वयन गर्न मद्दत मिल्यो । प्रभावित जमिन सफा गर्ने, जोखिम शिक्षा सञ्चालन गर्ने र पीडितहरूलाई राहत र पुनर्स्थापना गर्ने । तर नेपाल सरकार विश्वको मानवीयताको पक्षमा गरिएको विश्व अभियानबाट किन अलग? सन्धिमा प्रवेश किन नगरेको?
- नेपालले माईन एक्सनमा गरेको काम बारे स्वैच्छिक प्रतिवेदन (धारा ७ ऐनबमोजिम) संयुक्त राष्ट्र
संघ मार्फत राज्यपक्षहरूको बैठकमा हालसम्म किन नबुझाएको?
- हालसम्म नेपालले अन्तरराष्ट्रिय बैठक र सम्मेलनहरूमा के भूमिका निभाए? के प्रतिबद्धता
जनाए? परिपालना कसरी भईरहेकोछ?
- जेनेभा मिसनबाट समयमा हरेक ईन्टरशेसनल र राज्यपक्षका बैठकका निमन्त्रणाहरू केन्द्रीय
सरकारलाई किन उपलब्ध गराईरहेकोछैन?
- अन्तरराष्ट्रिय समुदायसँग वार्ता र छलफल गर्न के बाधाहरू छन्?
- संयुक्त राष्ट्र संघको साधारणसभामा भाग लिएर पनि निर्णय प्रकृयाबाट किन अलग रहँदै आएको?
४. नेपाललाई शून्य माईन र शून्य पीडित बनाउनको लागि आधिकारिक निकायहरूले के गरिरहेकोछन्?
- राष्ट्रिय योजना, नीति तथा कार्यक्रममा किन उल्लेख नगरेको? किन बजेटमा उल्लेख नगरेको?
- जनताहरूलाई जोखिमबाट मुक्त गर्न जोखिम शिक्षालाई प्राथमिकतामा राखेर सञ्चालन गर्ने
योजना किन नबनाएको?
- नेपालमा माइन एक्सनको आधिकारिक निकायलाई किन पुनर्गठन नगरेको?
- मुलुकमा दिगो शान्ति स्थापना गर्ने, जोखिमबाट पूर्ण मुक्त गर्ने, सुरक्षाको प्रत्याभूति दिने विषयमा
सांसदहरू किन चुप लागेको?