बुद्धको सामु शिकारीको याचना
बन्दाबन्दीको पैंतालिसौं दिन
बैशाख शुक्ल पूर्णिमाको दिन
बुध्दले जन्म लिएको दिन
ज्ञान र निर्वाण प्राप्त गरेको दिन
आजको दिन बन्दाबन्दीको दिन ।
बन्द छन् बहाः र बिहारहरु
बन्दछन् लुम्विनी, स्वयम्भू,
तिलौराकोट र बौद्धका व्दारहरु ।
त्रिपिटक, धम्मपद, प्रज्ञापारमिता,
प्रवचन र भजनहरु बन्द छन्
नाका, बाटा सवै बन्दछन् ।
तर,
सँधै भरि शिकारमा बाँच्ने
चतुर शिकारी कागहरु भने
बुध्दका सामू
खुल्लै याचना गर्दैछन् ।